O Concello de Brión abre o prazo de inscrición da súa campaña de Termalismo

O Concello de Brión ven de convocar a súa campaña de Termalismo para 2019, cunha oferta pública de prazas para a asistencia a establecementos termais ao longo do ano que acaba de comezar.

Os beneficiarios/as desta oferta son pensionistas de xubilación e incapacidade permanente, pensionistas de viuvez con 55 anos cumpridos e outros/as pensionistas ou perceptores/as de prestacións ou subsidios de desemprego, con 60 anos cumpridos. Tamén as persoas aseguradas ou beneficiarias do Sistema da Seguridade Social español, con máis de sesenta e cinco anos, e os cónxuxes de calquera idade.

Os prazos para presentar as solicitudes son: ata o 11 de xaneiro de 2019 para as quendas de febreiro a agosto de 2019 e ata o 17 de maio de 2019 para as quendas de setembro a decembro de 2019.

As solicitudes deben presentarse no Centro Social Polivalente de Brión, Avda. de Sta. Minia nº 46 en Pedrouzos-Brión.