Infobrion Correo Electrónico
Imaxes Imaxes
Separador
Rosalía regresa a Bastavales polas Letras Galegas
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Rosalía regresa a Bastavales no Día das Letras Galegas

Infobrion.com

O adro da igrexa parroquial de San Xiao de Bastavales acolleu un novo serán de "Rosalía en Bastavales", unha visita dramatizada aos lugares rosalianos de Brión a cargo da compañía teatral Os Quinquilláns.

A actividade, que forma parte dunha máis extensa programación que pretende recuperar a Ruta Rosaliana e reivindicar a memoria e a obra de Rosalía de Castro, regresou este 17 de maio, data na que celebramos o Día das Letras Galegas, dedicado nesta ocasión a outra destacada figura feminina da nosa Literatura, María Victoria Moreno.

- Un programa especial con libros, música e teatro

A programación iniciouse ás 17:30 h. cun recital a cargo da Banda Municipal de Música de Brión no templo parroquial de Bastavales. Un monumento inmortalizado nos famosos versos de "Cantares Gallegos" onde a poetisa lembra con soidades o repenicar das súas campás.

Ás 19 h., comezou a mencionada visita guiada a cargo de Os Quinquilláns; un serán dramatizado no que Rosalía toma a palabra para presentar un lugar especialmente vinculado á súa vida e a súa obra. Máis dun cento de persoas participaron neste evento, que vai repetirse os restantes sábados e domingos do mes de maio.

A xornada conmemorativa completouse cunha solta de libros; nela as persoas que asistiron ao evento puideron retirar libros de autores e autoras homenaxeados no Día das Letras Galegas nos últimos anos.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela