Infobrion Correo Electrónico
Imaxes Imaxes
Separador
Teatro e música tradicional en abril
Elenco artístico da obra "A compañeira de piso" ... [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Teatro e música tradicional en Brión para o mes de abril

Infobrion.com

O Departamento de Cultura do Concello de Brión ven de anunciar para o vindeiro mes de abril dúas actividades relacionadas coas artes escénicas e musicais. Trátase dunha representación teatral a cargo da compañía Contra Producións e o tradicional Festival da Primavera organizado polas Escolas Tradicionais de Música e Danza de Brión.

Teatro no Centro Social

O día 6 de abril terá lugar no Centro Social Polivalente a presentación en Brión da peza teatral "A compañeira de piso" (The Roommate) a cargo da compañía Contra Producións. Unha montaxe protagonizada polas coñecidas actrices Patricia Vázquez e Rebeca Montero que poñerá en escena o texto da dramaturga norteamericana Jen Silverman, unha obra que ven sendo representada con éxito por varias compañías nos Estados Unidos ata o dia de hoxe.

Mesturando sutileza e comicidade a partes iguais, "A compañeira de piso" trata os temas da idade, a muller e a identidade dun xeito fresco e divertido. Sharon (Patricia Vázquez), unha ama de casa de cincuenta e pico anos e recentemente divorciada, publica un anuncio para compartir a súa casa no corazón rural de Iowa. Sharon procura alguén coma ela, unha compañeira, se cadra, unha amiga. A chegada de Robyn (Rebeca Montero) para ocupar o cuarto deixa a Sharon de pedra xa que non podían ser máis diferentes: lesbiana, vegana, chegada do Bronx... Pero lonxe de arredarse, Sharon comeza a experimentar co estraño (e prohibido) xeito de vida de Robyn sen saber que a súa inquilina procura un refuxio no que agocharse e cambiar de vida.

Dirixida por Belén Pichel e Cándido Pazó, a obra terá lugar ás 20:30 h. no mencionado Centro Social, con estrada libre ata completar o aforo.

Festival da Primavera

O 13 de abril, ás 18:00 h., na Praza do Concello en Pedrouzos, celebrarase o tradicional Festival da Primavera, un espectáculo musical a cargo das Escolas Tradicionais de Música e Danza de Brión.

Unha oportunidade única para gozar da música e da danza galegas tradicionais ao tempo que somos testemuñas dos progresos formativos do numeroso alumnado que integra esta senlleira oferta formativa impulsada polo Departamento de Cultura do Concello de Brión.

En caso de choiva, o evento trasladaríase ao patio cuberto do CEIP de Pedrouzos. O acceso será de balde ata completar o aforo.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela