Infobrion Correo Electrónico
Imaxes Imaxes
Separador
Viaxe da Mocidade 2016 a Punta Umbría
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

A mocidade de Brión viaxa a Punta Umbría (Huelva)

Infobrion.com

Os mozos e mozas de Brión que participaron na Viaxe da Mocidade 2016, unha actividade organizada cada verán polo Concello de Brión, están de volta. Do 25 ao 31 de xullo, un grupo de xente nova de entre 18 e 35 anos de idade visitou a localidade onubense de Punta Umbría, recoñecido lugar de vacacións famoso polas súas soleadas praias.

Os 45 participantes na actividade gozaron dunha semana de vacacións en Andalucía, visitando Aracena, Sevilla, El Rocío, Matalascañas e o Algarve portugués. Cada unha das xornadas da viaxe transcorreron con actividades pola mañá e seráns de praia. Visitas salientables foron a "Gruta de las Maravillas" e o "Museo del jamón" en Aracena, vila famosa pola calidade da súa produción de xamón ibérico baixo a denominación "Jamón de Huelva".

En Portugal, os mozos e mozas coñeceron Vilamoura e Albufeira; nesta última localidade gozaron dunha tarde de praia no Algarve. Sevilla engaiolou aos visitantes coa súa "Torre del Oro", a "Real Maestranza", a "Giralda" ou a impresionante "Plaza de España".

A pesares das altas temperaturas e dos longos desprazamentos, a Viaxe da Mocidade 2016 deixou nos participantes unha impresión positiva e certo sentimento de morriña polas experiencias vividas durante unha inesquecible semana de convivencia en terras andaluzas.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela