Infobrion Correo Electrónico
Imaxes Imaxes
<Ant | 2  3  4  5  6  7  | Seg>
Separador
Lucio Juan Ángel Raris García. Florista de San Salvador de Bastavales
Almacén onde gardan as flores cando se recollen d... [+]
Videos
- Non hai
Info Relacionada
- Non hai
Foros Relacionados
- Non hai

Lucio Juan Ángel Rarís García. Florista de San Salvador de Bastavales

Yolanda García, Dolores Tuñas GIS-T IDEGA

Lucio Juan Ángel Rarís García naceu no 1958 en Herbón – Padrón, casado cunha muller dos Ánxeles, e con dous fillos un deles segue a tradición familiar, xa que dirixe unha das floristerías e xa conta co título de axudante de floristería. Residente na aldea de Cirro na parroquia de San Salvador xa fai 20 anos, estudiou para perito agrícola pero non chegou a rematar a carreira. O seu primeiro traballo foi de chapista nun taller durante catorce anos e logo dedicouse a venda de pementos, leituga, tomate e flores; nembargante como o tema do pemento estaba moi masificado volcouse na venda da flor que tiña moita aceptación.

Na actualidade contan con oito empregados amais de tres familiares traballando xuntos de luns a sábado a prol das floristerías. A explotación está dividida en dúas fincas, unha delas conta con 5.500 metros cadrados cubertos e a outra cuns dez mil metros cadrados con invernadoiros e plantación de verde que actualidade empregan para acompañar ornamentalmente ás flores.

Traballan e cultivan para ás súas floristerías, pero cando contan con moito excedente tamén venden ó por maior para toda Galicia. Cóntanos Juan Rarís que traballan todo o ano máis ben con flor de tempada debido o frío e á humidade, comézase a producir en marzo ata o Nadal. Dende decembro ata marzo teñen un parón de tres meses debido ás condicións climáticas. As épocas de máis venta durante o ano son o mes de maio, agosto e despois cara tódolos Santos e Nadal.
As flores que máis traballan son lilium, gerbera, antorrino, paniculada e moito rosal.

Estas flores antigamente viñan de fora, pero na actualidade debido os cambios acontedidos no clima, agora máis doado, prodúcense moito mellor. O clavel e a rosa plántase de esqueixe, a gerbera sae de planta pequena e o lilium plántase en bulbo. Para obter as cores máis aceptadas no mercado sóese facer in vitro despois de facer varios ensaios.

Os clientes soen comprar distintas flores segundo gustos e segundo para onde sexan; por exemplo cando son para adornar nas casas mercan clavelinas, margaridas, astromenias…etc, e para levalas ó cemiterio mercan o clavel e o Lilium, e, por último, cando son para decorar as igrexas o habitual é o antorrino e o gladíolo.

As plantas de flor, ó igual que na agricultura en xeral, afectanlle plagas como o irium, mildio e protitis, afrontando o problema sulfatando a explotación para o que empregan unha máquina informatizada que se encarga de facer os tratamentos para cada praga. Nós encargamonos de meter o producto dentro da mesma e un par de horas chega a sulfatar mil metros. O traballo faise rápido.

Juan Rarís este xoven emprendedor que conta xa na súa carreira como empresario coa obtención dun accésit ás mellores explotacións de Europa, vive namorado do seu traballo e sinte unha grande pena polo feito de que hoxe en día moi pouca xente se adica ao coidado e venta das flores e como o tema da agricultura cada vez máis se empobrece, sendo vendidas agrícolas para urbanizar.

Juan Rarís citou algunha das calidades e coñecementos, que segundo el, debe posuir aquela persoa que se adique á producción e venta de flores, como son o cariño e gusto polas mesmas, a paciencia, ter uns coñecementos técnicos indispensables como os nomes comúns e nomes propios das flores e, sobre todo, saber atendelos coidados e necesidades indispensables que necesitan cada unha delas.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela