Infobrion Correo Electrónico
Imaxes Imaxes
Separador
XXXV Carreira Pedestre da Amaía
 [+]
Sons
- Non hai
Videos
- Non hai
Info Relacionada
- Non hai
Foros Relacionados
- Non hai

Aberta a inscrición na XXXV Carreira Pedestre da Amaía

Infobrion.com

Os afeccionados e afeccionadas ao deporte van ter o vindeiro 7 de outubro en Brión una ineludible cita cunha das probas máis sobranceiras do calendario galego de atletismo. Trátase da popular Carreira Pedestre da Amaía, unha proba que acumula 35 anos de historia nas súas costas.

A partires das 17:00 h., a Carballeira de Santa Minia será o lugar onde atletas federados e non federados poderán participar na proba, baixo o control técnico do Comité Galego de Xuíces da Federación Galega de Atletismo. A Carreira Pedestre da Amaia estará incluída por segundo ano consecutivo no Circuíto de Carreiras Populares da Deputación da Coruña.

O evento deportivo repartirá entre os participantes máis de 1.000 euros en premios, así como camisetas e avituallamentos. Para os tres primeiros homes e as tres primeiras mulleres en cruzar a liña de meta na proba absoluta haberá trofeos e premios en metálico. Tamén para os tres primeiros homes e mulleres empadroados en Brión, así como para os primeiros clasificados das 8 categorías establecidas. Os premios non serán acumulativos, exceptuando os correspondentes aos empadroados en Brión.

No eido infantil, as probas terán lugar dentro da Carballeira de Santa Minia. As categorías dos pitufos e prebenxamíns non serán competitivas, polo que todos os participantes recibirán cadansúa medalla. Durante a xornada deportiva, os corredores disporán do pavillón polideportivo para ducharse, así como dun servizo de garda roupa situado na Casa da Cultura.

A inscrición na carreira atópase aberta dende o día 21 de agosto. As persoas interesadas en participar deberán facelo a través da web: http://carreirapedestredaamaia.blogspot.com.es ou en www.carreirasgalegas.com antes das 14:00 horas do 4 de outubro. O custo da inscrición é de 5 euros para os adultos e de balde para os menores de 12 anos de idade.

Envíalla
© 2006. Infobrion.com    |
Proxecto elaborado polo grupo de investigación Gis-T en colaboración co grupo Novos Medios da Universidade de Santiago de Compostela.
Patrocinio económico do Ministerio de Ciencia y Tecnología e programa PRODER-II. Proxecto SINDUR Sociedade da Información e Desenvolvemento Urbano-Rexional (SEC-2002/01874)
Coa colaboración de:     |
Unión EuropeaMinisterio de Educación y CienciaMinisterio de Agricultura Pesca y AlimentaciónXunta de GaliciaFondo Galego de Garantía AgrariaAgaderConcello de BrionFundación Germán Sánchez RuipérezUniversidade de Santiago de Compostela